பல்லாங்குழி விளையாட்டும் அதன் அறிவியல் உண்மைகளும்

நம் முன்னோர்கள் விளையாடிய விளையாட்டும் அதன் அறிவியல் உண்மையும்: PART-2

பல்லாங்குழி:

கிராமங்களில் நாம் மறந்தவை !!

🤑 நம்மிடம் இன்னும் கொஞ்சம் உயிருடன் இருக்கும் விளையாட்டுக்களுள் ஒன்றான பல்லாங்குழி ஆட்டத்தைப் பற்றி இங்கு காண்போம்.

🤑 பல்லாங்குழி என்பது மரம் அல்லது உலோகத்தாலான ஒரு விளையாட்டுச் சாதனம். அதில் இரு வரிசைகளில் ஏழு குழிகள் இருக்கும்.

தேவையானவை : 

🤑 கற்கள், புளியங்கொட்டை

ஆடுபவர்களின் எண்ணிக்கை :

🤑 இரண்டு பேர்

எப்படி விளையாடுவது?

🤑 பல்லாங்குழி சட்டத்தில் ஏழு குழிகள் இருக்கும். அவற்றுள் புளியங்கொட்டைகளை (அ) கற்களை 5, 5 ஆகப் போட்டு வைக்க வேண்டும்.

🤑 ஒரு குழியில் இருப்பதை எடுத்து ஒவ்வொன்றாக அடுத்த அடுத்த குழிகளுள் போட வேண்டும். முடிந்தவுடன் அதற்கடுத்த குழியில் உள்ளதை எடுத்து அப்படியே போட்டு வர வேண்டும். முடிந்தவுடன் ஒரு வெறுங்குழி வருமாயின் அதைத் தடவி அடுத்த குழியில் இருப்பதை தனக்குரியதாக்க வேண்டும்.

🤑 ஒரு குழியில் நான்கு கொட்டைகள் இருந்தால் அதையும் 'பசு" எனச் சொல்லி தனதாக்க வேண்டும். ஆட்ட இறுதியில் ஒரு பெண் தோற்கும் போது (ஒரு குழிக்குரிய குறைந்த பட்ச சோழிகள் 5 இல்லாமல் இருந்தால்) குழிக்கு ஒவ்வொரு சோழி இட்டு ஆட்டம் தொடங்குகிறது. இதற்கு கஞ்சி காய்ச்சுதல் என்று பெயர்.

🤑 இவ்விளையாட்டை விளையாடுபவர்கள் அனைத்து சோழிகளையும் பெறவும் முடியும் அல்லது இழக்கவும் முடியும். இவ்விளையாட்டில் இருவர் மட்டுமே விளையாடலாம்.

 அறிவியல் காரணம்:

🤑 பல்லாங்குழி உடல் ரீதியாக பெண்களின் விரல் மற்றும் கைகளுக்கு வலுச்சேர்க்கிறது.

🤑 இல்லற வாழ்க்கையில் அடியெடுத்து வைக்கும் பெண்கள் குடும்பத்தின் வரவு செலவுகள், சிக்கனம், சொத்துப் பங்கீடு, சேமிப்பு, பொருளீட்டல் ஆகியவற்றை பற்றி விளையாட்டின் வழியே பெண்களின் மனதில் பதிய வைக்க, நம் முன்னோர்கள் கண்டறிந்த வழி தான் பல்லாங்குழி விளையாட்டு.